Jose Mourinho – filozof

Filozofia

A ka Jose Mourinho filozofi të lojës? Nëse po, atëherë ajo do të ishte jo të parkonte autobusin, por të fitonte tituj. Filozofia e tij është e thjeshtë – të shkatërrosh nervat kundërshtarit dhe pastaj të dominosh siç ke qejf ti. 

A luan futboll defanziv e të mërzitshëm Jose? 121 gola në La Liga në sezonin 2011-2012 dhe 100 pikë – të dyja rekorde që vazhdojnë të mbesin në këtë ligë. Jepja lojtarët e mirë dhe mbështetu e shiko si torturohen kundërshtarët.

A është trajner i sjellshëm? Është trajneri ndoshta më i pistë në futboll. Krejt e dinë këtë. Shumica e urrejnë për këtë. Personalisht jam indiferent, por nëse do tituj, thirr Mourinhon. 

E çka dreqin po presin Manchester United? Akoma besojnë në filozofinë e Van Gaalit e cila kishte turpëruar Barcelonën 0-4 nga Dynamo e Lobanovskyt, Shevës e Rebrovit në nëntor 98tës. Aloysus Paulus Maria pati dhënë dorëheqje sepse mediat i pengonin të implementonte ‘filozofinë’ e tij. Prapë ishte kthyer në Barcelonë për të heq Rivaldon e transferuar Riquelmen. Prapë filozofia! Si drejtor teknik i Ajaxit është larguar për shkak të problemeve me implementimin e filozofisë që kundërshtohej nga Koeman. Periudha në Bayern tregon se Jose është direkt më i mirë se ai. Holanda ka pas ekip kampioni – mëzi ka mposht Australinë, Meksikën, e Kosta Rikën në Brazil. Lojë të kota kanë qenë krejt lojët eliminuese. Të kota janë edhe krejt lojët e Manchesterit me të në krye. Dhe akoma presin, besojnë në filozofinë e tij? Leje pashë Zotin – tipi s’ka lidhje me futboll. S’ka lidhje të menaxhoj ekipe të mëdha. As të vogla – mjerë AZ Alkmaar.

E pse jo Jose? Sepse po prish emrin e mirë të United. Emri i mirë prishet kur të mposhtin Bournemouth, Norwich, eliminohesh nga një grup që ka Wolfsburgun, PSV-në, e CSKA-në. 

Të gjitha anash – Jose Mourinho në Manchester United do të ishte lëvizja e dekadës në Premier League. Për neve fansat e futbollit, dhe të kësaj lige, dhurata më e mirë për vitin e ri.

Poshtërimi

I urrej njerëzit që presin respekt në futboll. Respekt është të mos shtiresh – mirëmëngjesi Amerika Jugore; të mos bësh hile – mirëdita Amerika Jugore; të jesh i sjellshëm në fushë – mirëmbrëma Amerika Jugore. 

Të mposhtësh kundërshtarin 10-2 është poshtërim nëse ke mundur ta mposhtësh 15-2. Nuk është ‘kujt t’ia gjejn hallin’. Askush nuk e ka vendosur Rayon në atë pozitë. As referi. Askush nuk bëhet merak a të luhet ty futboll sot a jo, a është ftohtë a jo. Ti paguhesh për të luajtur. Shikuesit paguajnë bileta, blejnë fanella, ndajnë kohën për atë ekip. Dhe të humbësh 10-2 është turp nga tifozët tuaj. Ngjashëm është turp nga tifozët që dëshirojnë të japësh gola e ti të ndalesh ‘se gjynah’. Gjynah është ti bësh gjërat tipike e futbollistëve të Amerikës Jugore (shumica). Jo të japësh gola pse tipave nuk ju luhet sot. Dhjetë gola kanë qenë pak. Kanë mundur të shënojnë më shumë. Është dashur të shënojnë më shumë.