ABU DHABI GRAND SLAM
Pamje nga një triumf i mëparshëm i Norës/ Foto: IJF
Nora me super rikthim, arrin finalen e GS Abu Dabi
21 October, 2022 @14:34
Kampionja olimpike e Kosovës, Nora Gjakova, ka bërë super rikthim në skenën e xhudos pas lëndimit.
Ajo sot po merr pjesë në Grand Slamin e xhudos në Abu Dabi, ndërsa tashmë ka arritur finalen, ku do të ndeshet me jugkoreanen Mimi Huh.
Në rrugëtimin e saj drejt finales, në rikthimin e plotëfuqishëm në skenë, Nora kaloi radhazi jugkoreanen Yuna Shin, pastaj holandezen Pleuni Cornelisse, ndërsa në cerekfinale serben Marica Perisic.
Në gjysmëfinale ajo eliminoi bartën e parë të kategorisë deri në 57 kilogramë gjeorgjianen Eteri Liparteliani, për të siguruar biletën për finale.
E duelet finale të Grand Slamit nisin pas orës 15:00 me kohën tonë, ku së pari zhvillohen përballjet për medalje të bronztë e pas kësaj finalet në secilën kategori.
