Të gjitha lajmet

IHF TROPHY

Rast unik për Kosovën U21

Rast unik për Kosovën U21

Teksti: FHK

3 April, 2019 @21:47

Në prag të paraqitjes në garën e rëndësishme IHF Trophy Intercontinental, hendbollistët e seleksioneve U19 dhe U21 të Kosovës prej të hënës janë vendosur në Prishtinë dhe po stërviten nën mbikqyrjen e shtabit teknik, në krye me përzgjedhësin Taip Ramadani.

Gara IHF Trophy mbahet në Prishtinë prej 10 deri më 14 prill, ndërsa Kosova U21 ka rast të artë që me triumf në këtë garë të sigurojë paraqitjen në botërorin e juniorëve që mbahet në verë në Spanjë.

Për nivelin e lojtarëve, për rëndësinë e organizimit të IHF Trophy Intercontinental në Kosovë, për mundësinë për të shkuar në botëror dhe për shumë gjëra tjera për ekipet kombëtare U19 e U21 ka folur përzgjedhësi Taip Ramadani.

“Para dy javësh kemi kompletuar testet e përgjithshme të lojtarëve ku kemi mbledhur një sasi të madhe informatash për përgatitjen fizike të lojtarëve të ekipeve U19 e U21. Kemi filluar t’i analizojmë shifrat dhe të bëjmë një krahasim me dy përfaqësuese elitare evropiane të këtyre grupmoshave. Disa nga informatat janë premtuese por gjithashtu po e shohim se ku kemi edhe mungesa dhe do të mundohemi të shtjellojmë këto analiza me lojtarët dhe me klubet, që të janë më të informuar se ku dhe si duhet të punohet në vazhdim”, ka thënë Ramadani, që ka javë që është në Kosovë në përgatitje të ekipeve kombëtare për aktivitetet e rëndësishme të këtij muaji.

“Poashtu të hënën e të martën kishim stërvitjet e para me këto grupmosha dhe më la përshtypje përmirësimi i dukshëm në formë i shumë lojtarëve. Sidomos te grupmosha U19 kjo është më e dukshme, pasi ata para një viti kishin mungesa të mëdha. Ekipi U21 duket më i komponuar dhe vërejta se ka një fokus të ri dhe seriozitet të shtuar te pothuajse i gjithë grupi”, është përshtypja e parë e Ramadanit pas dy ditëve stërvitje.

Ai ka pranuar se shpresa dhe synimi është që Kosova U21 të fitojë garën IHF Trophy Intercontinental dhe të kualifikohet në kampionatin botëror që mbahet në Spanjë në muajin korrik. Kështu U21 e hendbollit do të shkruante historinë si e para që përfaqëson Kosovën në një botëror në të gjitha sportet ekipore.

“Pothuajse të gjithë lojtarët që i kemi llogaritur i kemi në dispozicion për këtë kampionat. Jam i lumtur që grupmoshës U19, që përbëhet krejtëssht me lojtarë të klubeve të vendit, i është bashkuar Vilson Gojani, që është i lindur në Klinë, por jeton e luan në ligën elite të Italisë. Është lojtar i pozitës qendër, është i fuqishëm dhe i shpejtë. Në kombëtaren e grupmoshës U21 i është përgjigjur thirrjes Blend Dalladaku, që luan me juniorët e klubit elit francez, Nantes. Është një pivot i fortë dhe mbrojtës i shkëlqyeshëm në qendër të zonës. Poashtu për herë të parë vjen edhe Albin Xhafolli që luan alo e djathtë. Albini është prodhim i Akademisë së hendbollit të klubit të famshëm gjerman Gummersbach dhe këtë stinor, deri më tani ka luajtur katër ndeshje në Bundesligë me këtë ekip. Kjo dëshmon se sa shumë ka fituar besim në të klubi gjerman”, ka treguar Ramadani.

Organizimi I IHF Trophy Intercontinental në Kosovë dëshmon për vlerësimin e lartë që ka IHF-ja ndaj FHK-së, ka thënë Ramadani, për të vazhduar:

“Kjo është hera e tretë që fitojmë besimin e federatës ndërkombëtare për organizimin e kampionateve të mëdha ndërkombëtare. Këtë herë disa federata tjera shprehën dëshirë të jenë nikoqir të kësaj gare, por Kosovës iu dha përgjegjësia edhe njëherë. Për Kosovën kjo sjell dobi të mëdha.Kosovës i hapen dyer të rëndësishme ndërkombëtare në rrafshin sportiv. Kjo ngjarje sjellë përvojë të mëtejme për organizimin e garave ndërkombëtare, na mundëson edhe njëherë mikëpritjen e ekipeve nga të gjitha anët e botës, duke përfshirë edhe SHBA-në, Australinë e Nigerinë. Ky kampionat poashtu krijon miqësi të reja sportive e diplomatike, sadopak stimulon ekonominë vendore dhe promovon shtetin tonë në dritë të mirë. Mirëpo dobia më e madhe është se shërben si frymëzim për rininë e Kosovës, jo vetëm nga pikëpamja sportive por edhe në arena tjera që kanë të bëjnë me organizimin e eventeve ndërkombëtare dhe mikëpritjen e miqëve nga gjithë bota”.

Kosova U19 e U21 po ushtrojnë në palestrën 1 Tetori. 21-vjeçarët në stërvitje i udhëheq Fatmir Muhaxheri që ishte në krye të ekipit edhe në tetor kur kjo gjeneratë fitojë garën IHF Trophy për Evropë. 19-vjeçarët në stërvitje po i udhëheq Jeton Havolli.

XHUDO

Loriana e artë në Gjeorgji!

31 March, 2019 @16:37

Loriana Kuka e ka mbyllur me medalje të artë Grand Prixin e Tbilisit. Xhudistja pejane në finale e mposhti garuesen…

GRAND PRIX TBILISI 2019

Nora Gjakova merr medaljen e artë në Gjeorgji

29 March, 2019 @16:34

Duke e mposhtur me ippon në finale brazilianen Rafaela Silva, Nora Gjakova ka marrë medaljen e artë [kategoria deri në…

XHUDO

Edhe Shpat Zeka merr medalje!

24 March, 2019 @16:57

Pas dy medaljeve të arta dje, sot xhudistët e Kosovës arritën të marrin edhe një medalje të bronztë në…

SUPERLIGA HENDBOLL

Kastrioti kryen vjeshtën si lider

Foto: FHK

19 December, 2018 @13:02

Klubi i hendbollit Kastrioti nga Ferizaji ka kryer vjeshtën në Superligë të hendbollit si lider. Ekipi në fjalë duke…

HENDBOLL

Përfaqësuesja vendoset në Sllovaki, gati për ndeshjet

Foto: kosovahandball.info

29 November, 2018 @19:02

Përmes një njoftimi në faqen zyrtare të FHK-së, është bërë e ditur që përfaqësuesja e hendbollit në kategorinë e femrave…

IHF TROPHY

Me të artën, Kosova siguron IHF Trophy Intercontinental

Foto: FHK

27 October, 2018 @22:19

Kombëtarja U18 e Kosovës në hendboll është kampione e IHF Trophy për Evropë. Hendbollistët e rinjë kosovarë të shtunën në…

IHF TROPHY 2018

Kosova U18 e artë në IHF Trophy

27 October, 2018 @19:04

Përfaqësuesja e Kosovës U18 në hendboll ka arritur sukses të madh sot, duke e mposhtur Britaninë e Madhe në finale…

MIQËSORJA E PARË NDAJ LUKSEMBURGUT

Albana Arifi shkëlqeu, Kosova fitoi

Foto: FHK

27 October, 2018 @10:02

Përfaqësuesja e femrave të Kosovës është ndarë me fitore nga përballja miqësore me Luksemburgun, zhvilluar mbrëmë në Luksemburg. Verdhekaltërat…

Të gjitha lajmet nga FHK Superliga