KUALIFIKIMET PËR BOTËRORIN "FRANCA 2017"
BOROZANI/D.S.
Humbje e radhës për Kosovën
13 January, 2016 @22:06
Lituania sonte ka mposhtur Kosovën në përballjen e radhës të Grupit 1 kualifikues për Kampionatin Botëror “Franca 2017”.
Lituania është treguar arrë e fortë për ekipin e Kosovës, duke e mposhtur atë thellë 42-23.
Kastriot Jupa ka qenë dukshëm golashënuesi më i mirë i djelmoshave të përzgjedhur nga trajneri Taib Kabashi me 9 gola të shënuara.
Pas tij, Valon Dedaj, Taip Ramadani dhe Kreshnik Krasniqi kanë qenë shënues me nga 4 gola tjera të shënuara.
Te lituanezët më të dalluarit kanë qenë Barbarskas, Bernatonis dhe Pleta me nga 7 gola të shënuara.
Pas kësaj ndeshjeje Kosovës i mbetet edhe ndeshja e fundit e grupit sa për sy e faqe ndaj Sllovakisë.
TABELA E GRUPIT 1:
| 1 | Bosnja e Hercegovina | 9 pikë | 5 ndeshje | |
| 2 | Lituania | 6 pikë | 5 ndeshje | |
| 3 | Sllovakia | 5 pikë | 5 ndeshje | |
| 4 | Kosova | 0 pikë | 5 ndeshje |
