GAME 1: KBF BASHKIMI - KBF PENZA
FOTO / apostrof studio
KBF Bashkimi deklason Penzën
1 April, 2025 @23:16
Kampionet aktuale në Ligën e Femrave, KBF Bashkimi, e deklasoi Penzën në ndeshjen e parë të Play Offit me rezultat 127-55.
Penza duket që është dorëzuar që nga fillimi i Play Offit, pasi që luajtën pa lojtaret të huaja, derisa këtë e shfrytëzoi më së miri Bashkimi dhe arriti një fitore të lehtë.
Caterrion Thompson me 27 pikë ishte më e mira te Bashkimi, derisa u ndihmua edhe nga Diedona Halitaj me 16 pikë, e Arbnore Përquku me 15 pikë të tjera.
Te Penza u veçuan me Valbona Bytyqi me 27 pikë dhe Lena Goqaj me 16 pikë.
Bashkimi me këtë fitore kaloi 1-0 në epërsi në seri dhe i nevojitet një fitore për t’u kualifikuar në finale.
