Kosova e bronztë në Botëror

Kosova ka arritur të mposht Uruguajin në ndeshje për vend të tretë në Botërorin e përfaqësueseve në zhvillim 28-16 për të fituar medaljen e bronztë. 

Pa probleme drejt fitores

Fitorja e Kosovës u pa qartë që nga fillimi i ndeshjes, derisa fundi i 30 minutave të para gjeti djelmoshat e Taib Kabashit në epërsi 15-8. 

Kastriot Jupa ka qenë golashënuesi më i mirë i Kosovës me 7 gola të shënuara, derisa Kreshnik Krasniqi shënoi 5 të tjera në fitoren e Kosovës ndaj latinoamerikanëve. 

Ishujt Faroe, marrin të artën

Fitues i Botërorit u bë përfaqësuesja e Ishujve Faroe që mposhti në finale Letoninë. Ishujt Faroe kishin mposhtur edhe Kosovën në gjysmëfinale. 

E para, në Kosovë

Ky ka qenë Botërori i parë i këtij lloji i organizuar nga Federata Ndërkombëtare e Hendbollit, IHF, ndërsa Kosova ka qenë organizatorja e parë e turneut të këtij lloji.