Kosova pret Estoninë në Gjakovë

Nesër (e mërkurë) me fillim nga ora 19:30, në ‘Shani Nushi’ të Gjakovës, Përfaqësuesja e Kosovës në hendboll luan ndaj përfaqësueses së Estonisë. Ndeshja luhet në kuadër të fazës së parë kualifikuese për në Kampionatin Evropian të vitit 2020, ndërsa Federata e Hendbollit të Kosovës ka njoftuar që lojtarët e Kosovës janë maksimalisht të mobilizuar për këtë takim.

Kosova ndodhet në Grupin B bashkë me Turqinë dhe Estoninë, kurse deri më tani ka një humbje dhe një barazim historik ndaj Turqisë (24:24).

Hendbollistët e ftuar nga përzgjedhësi Ramadani për këtë takim janë: Gerbeshi, Gashi, Curri, Berisha, Agushi, Syla, Sula, Zherka, Jupa, Quni, Ahmeti, Terziqi, Xhafolli, Dedaj, Hoxha, Haxhimusa, Tahirukaj, Maxhera, Fetahu dhe Nreca.