Sharani komesar, Superliga në mes të shtatorit

Stinori i ri i Superligës së hendbollit nis më 12 shtator ka bërë të ditur Bordi i Federatës së Hendbollit të Kosovës (FHK). 

“Më 12 shtator nis edicioni i ri në Superligën e meshkujve, ndërsa një javë më vonë, më 19 shtator nis kampionati te femrat,” ka shkruar njoftimi i FHK-së. 

Në këtë mbledhje të Bordit, është përcaktuar edhe Komesari i ri i Garave për Superligë, dhe ai është Nexhat Sharani. 

Shqipe Bajçinca, Komesarja e edicionit të kaluar është tash e tutje vëzhguese e ndeshjeve. 

Kampion i fundit në Superligë është Besa Famiglia, që po dominon vite me radhë në hendbollin vendor.