Trepça fiton në tavolinë

Derbi i mesit të tabelës në elitën e hendbollit të Kosovës, nuk është zhvilluar edhepse u shtye ditë më parë.

Ndeshja ndërmjet Trepçës dhe Kastriotit që u desht të zhvillohet mbrëmë, nuk u luajt, pasi që mysafirët nuk udhëtuan për në Mitrovicë, ka bërë të ditur FHK sot.

Ky fakt bën që ndeshja në fjalë të regjistrohet me rezultat zyrtar në të mirë të Trepçës, 10-0, ndërsa ferizajasve t’u mirret edhe një pikë nga ato të arkëtuarat deri tani.

Trepça-Kastrioti është dashur të zhvillohej të shtunën që shkoi, 21 tetor 2017. Me kërkesë të Kastriotit dhe pajtim të Trepçës, u shtye për 25 tetor 2017 dhe përsëri nuk u zhvillua.

Pas kësaj ndeshjeje, Trepça tash ka 6 pikë pas po aq xhirove në Superligë të hendbollit, ndërsa Kastrioti do t’i ketë 5 pikë nga 6 xhiro.