LOJËRAT OLIMPIKE 2024
Akil Gjakova mposhtet në luftën për të bronztë, e mbyllë pa medalje
29 July, 2024 @18:24
S’ka medalje për Akil Gjakovën në Paris.
Xhudisti pejan u mposht në luftë për medaljen e bronztë në kategorinë -73 kilogramë nga japonezi Soichi Hashimoto, duke mbetur kështu pa medalje.
Një waza-ari i japonezit në fillim të duelit i kushtoi me humbje Akilit, ndonëse ishte dukshëm më kërkues për fitore gjatë gjithë duelit.
Përveç Akilit, sot pa medalje mbeti edhe motra e tij Nora, që u mposht në rrethin e parë të garës në kategorinë -57 kilogramë për vajza.
Sa i përket xhudistëve tjerë të Kosovës, të udhëhequr nga mjeshtri i madh Driton Kuka, nesër (30 gusht) garon xhudistja Laura Fazliu, e më pas më 1 gusht Loriana Kuka.
