Besa i revanshohet Prishtinës, shkëputet në krye

Në xhiron e dytë të Superligës A në hendboll, skuadra e Besa Famiglias ka shënuar fitore me rezultat 23-17 ndaj Prishtinës, rivalit të saj kryesor për titull.

Prishtina ia shkaktoi javë më parë Besës humbjen e parë pas 4 viteve në Superligë, ndërsa pejanët u revanshuan sonte, duke fituar dhe duke u shkëputur në krye të klasifikimit.

Kjo fitore e ngrit Besën në kuotën e 38 pikëve, derisa Prishtina ka 2 më pak 1 pozitë më poshtë.

Dy ndeshjet tjera të xhiros së dytë të Superligës A luhen nesër, ku me fillim nga ora 17:00, Vëllaznimi e pret Dritën, kurse prej orës 17:30 përballen Zhegra e Kastrioti.

Në Superligën B është luajtur një ndeshje e javës së parë, ku të shtunën në Mitrovicë, Trepça e ka mposhtur Llapin me rezultat 31:28. Ndeshja tjetër e javës së parë në Superligën B, mes Vushtrrisë e Samadrexhës, luhet nesër me fillim nga ora 17:00.