Dedaj: Jemi në presion, por Mali i Zi ka më shumë presion

Kosova sonte nga ora 19:30 do të përballet me Malin e Zi, në kuadër të kualifikimeve për Euro 2022.

Kapiteni i Kosovës, Valon Dedaj, ka thënë se synimi do të jetë fitorja dhe kërkojnë kualifikimin në Evropian.

“Si çdo ndeshjeje tjetër edhe kësaj i qasemi me shumë seriozitet dhe me synim për fitore. Kjo ndeshje për dallim nga të tjerat, ka një rëndësi më të madhe pasi që në rast të fitores kemi gjasa të jemi në Kampionat Evropian. Jemi pak në presion për këtë ndeshje, por ekipi i Malit të Zi mendoj që ka më shumë presion. Nëse e japim maksimumin, luajmë lojë të kujdesshme dhe efikase, besoj se në fund do të arrijmë të kemi rezultatin që e dëshirojmë”, ka thënë kapiteni i Kosovës, Valon Dedaj.

Kosova gjendet në një grup me Malin e Zi, Suedinë dhe Rumaninë.