LOJËRAT OLIMPIKE 2024
Foto: NOC
Donjeta Sadiku fiton duelin e parë, 2 fitore larg medaljes
27 July, 2024 @23:19
Nismë e mbarë për Kosovën në Lojërat Olimpike të Parisit.
Garuesja e parë e Kosovës, boksierja Donjeta Sadiku, e fitoi duelin e saj të parë, për të kaluar kështu në 1/8 e finales në kategorinë -60 kilogramë.
Donjeta triumfoi me pikë ndaj tajlandezës Thanaya Somnuek, duke u treguar më e mirë pas tre raundeve.
Duelin e radhës në 1/8 e finales boksierja kosovare e zhvillon ndaj kolumbianes Paola Angie Valdes Pana të hënën rreth orës 20:00, e për ta siguruar të paktën medaljen e bronztë olimpike, Donjetës i duhen edhe 2 fitore.
