Dy hendbollistë të rritur në Zvicër, do të luajnë për Kosovën

Dy lojtarë të cilët jetojnë në Zvicër këto ditë kanë marrë vendim t’i bashkangjiten Kosovës për grupmoshën U19 (e cila deri me përfundimin e EURO 2016 ishte U18).

Rinor Avdulli, i lindur në Zvicër ne vitin 1998, karrierën e hendbollistit e filloi nga mosha 11 vjeçare dhe luan me sukses tani e sa vite për grupmoshat e reja të skuadrës se njohur GC Amicitia Zurich te skuadra e grupmoshës U19, luan në pozitën e krahut të majtë ka një gjatësi prej 190 cm dhe peshë prej 80 kg, që jep perfomanca të shkëlqyeshme për një lojtar të krahut, por i cili mund te zhvillohet edhe në lojtarë të qendrës.

Edhe një lojtarë tjetër nga diaspora ka shprehur deshiren të paraqitet në fanellën e Kosovës, është poashtu nga Zvicra. I riu Adnan Idrizi i cili luan në pozitën e lojtarit qendror te skuadra SG Pilatus në skuadrën e grupmoshës U19 Elite, dhe ka një talent të rrallë, pasi edhe vllau i ti më i i luan hendboll (anëtarë i Kombëtares zvicerane për U15) por edhe babai i tij Rasimi dikur luante me sukses ne Gjilan tek skuadrat që vepronin në atë kohë. Adnani është i lindur ne vitin 1999, i gjatë 184 dhe peshon 84 kg.

Padyshim, me bashkangjitjen e këtyre dy talentëve Kosova U19 do të përfiton si në numër të lojtarëve ashtu edhe cilësi para kualifikimeve për Botërorin 2017.