Grumbullimi të premten, agjenda e Kosovës para ndeshjeve të rëndësishme

Kombëtarja e Kosovës në hendboll mblidhet të premten për dy ndeshjet e para kualifikuese për Botërorin 2023.

Menjëherë të premten është stërvitja e parë, në kompleksin Omni Sport në Mitrovicë. Stërvitja e parë mbahet prej orës 18.00 e deri në ora 20.00.

Lista e lojtarëve të ftuar

Në Mitrovicë, Kombëtarja jonë i zhvillon edhe dy stërvitje të shtunën e dy të dielën. Të hënën ekipi zhvendoset në Pallatin e Rinisë në kryeqytet ku i kryen dy seancat e fundit stërvitore para udhëtimit për në Turqi. Udhëtimi për në Turqi bëhet mëngjesin e së martës.

Ndeshja Turqi – Kosovë zhvillohet të mërkurën e ardhshme, më 3 nëntor, në Eskishehir.

Më 7 nëntor në Prishtinë është ndeshja Kosova – Belgjika.

Synohen dy pozitat e para në grup për të avancuar tutje, ka shkruar FHK-ja në njoftimin e saj për agjendën e reprezentacionit.