Hamilton i pari, Rosberg i dyti

Lewis Hamilton ka dalë i pari në garën për pole-position, para garës finale të stinorit që zhvillohet nesër në Abu Dabi.

Piloti britanik i Formula 1, vazhdon të shpresojë për titull kampioni, ndërsa i duhet që kolegu i skuadrës së tij, Nico Rosberg, mos të arrijë podiumin nesër për tu shpallë kampion.

Rosberg ka dalë i dyti dhe starti i nesërm i garës në Abu Dabi, do të ketë në rend të parë dy finalistët që do të japin adrenalinën deri në fund të garës së fundit të vitit, që njëkohësisht do të jep edhe kampionin e këtij viti në Formula 1.

Para garës finale: Rosberg është i pari me 367 pikë dhe po kërkon titullin e parë në karrierë, ndërsa Hamilton i dyti, kërkon mbrojtjen e titullit të kampionit të botës dhe ka aktualisht 355 pikë.