Humbje dëshpëruese për Kosovën

Numri i madh i shikuesve që kishin ardhur në palestrën “Shani Nushi” në Gjakovë për ta përkrahur përfaqësuesen e Kosovës në hendboll, u ndanë të dëshpëruar nga paraqitja e ekipit kosovar.

Përfaqësuesja e Kosovës u mposht me rezultat të thellë nga përfaqësuesja e Estonisë, e cila u tregua bindshëm më e mirë se sa djelmoshat tanë.

Ndeshja përfundoi me dallim prej 14 golave, ndërsa në fund rezultati ishte 17-31 në të mirë të Estonisë.

Dallimi i madh në rezultat u arrit sidomos në pjesën e dytë, ku Kosova e humbi përqëndrimin e saj, ndërsa në sy ra edhe përgatitja më e mirë fizike e estonezëve dhe loja shumë më kompakte e tyre.

Golashënuesi më i mirë i Kosovës në këtë ndeshje ishte Valon Dedaj me 5 gola të shënuara, derisa te kundërshtari u dallua Jurgen Rooba me 8 gola dhe Kristo Voika me 5 gola të shënuara.

Me këtë humbje Kosova ka rënë në vendin e tretë në grup, tani me bilanc prej 1 barazimi dhe 2 humbjeve, ndërsa Estonia arriti ta shijojë fitoren që në ndeshjen e saj të parë në fazën e parë të kualifikimeve për Kampionatin Europian.

TABELA AKTUALE E GRUPIT B

Golashënuesit e Kosovës