Kosova mposhtet nga Turqia në Eskishehir

Pas epërsisë fillestare 0-1, Kosova më nuk ka arritur të dalë në epërsi në ndeshje ndaj Turqisë. Borozani.com

Vendasit shpejt konsoliduan radhët dhe së pari me 1-1 pastaj me 2-2 Kosova barazoi, por pas kësaj më Turqia shkoi përpara e reprezentacioni i Kosovës e ndoqi deri në fund, pa arritur edhe njëherë të barazojë.

Në fund, Turqia fitoi me dy gola epërsi, 25-23 [15-14] me një përqindje të lartë të shutave të përfunduara në gol, 93%, ku më efikasi ishte Gorkem Bicer me 8 gola, ndërsa me 5 të tjera u dallua Onur Ersin.

Te Kosova më efikasi ishte Egzon Gjuka me 6 gola, 5 të tjera i shënoi Deniz Terziqi kurse Kastriot Jupa ndeshjen e përfundoi me 4 gola të shënuara.

Pas kësaj humbjeje, Kosova pret të dielën Belgjikën në Prishtinë, në ndeshjen e radhës të grupit kualifikues për Botëror.

Kosova ndaj Belgjikës pra luan më 7 nëntor 2021 me fillim prej orës 17:00 në Pallatin e Rinisë dhe të Sporteve . Ndërkaq Turqia do të jetë mysafire e Greqisë, që edhe është kundërshtari tjetër i Kosovës në grupin kualifikues.