Laura Fazliu e bronztë në Zagreb Grand Prix

Xhudistja Laura Fazliu ka marrë medaljen e bronztë në turneun e rëndësishëm të Zagrebit sot.

Fazliu që garon në kategorinë deri në 63 kilogramë ka mposhtur polaken Angelia Szymanska në luftë për medalje duke siguruar të bronztën në Grand Prixin e Zagrebit.

Kjo është medalja e parë e Laurës në një garë të nivelit botëror, ndërsa ajo në total shënoi tri fitore për tu ndalë në çerekfinale nga lufta për medaljet e finalistëve, për të arritur te e bronzta përmes repechage.

Nesër në Grand Prix të Zagrebit garon Shpat Zekaj, në kategorinë deri në 100 kilogramë.