Laura Fazliu fiton të argjendtën në Tbilisi

Sikurse Distria Krasniqi dhe Nora Gjakova dje, edhe Laura Fazliu ka arritur në finale të Grand Slamit të xhudos në Tbilisi sot. Pasi që arriti finalen 22-vjeçarja Fazliu u mposht aty nga britanikja Lucy Renshall, për të mbyllur garën me medalje të argjendtë.

Laura përndryshe ka pasur një garë mjaft të mirë, derisa pasi që kaloi xhiron e parë pa lojë, mposhti radhazi kinezen Jing Tang e francezen Gaetane Deberdt për të arritur në çerekfinale të garës.

Aty u ndesh me britaniken Gemma Howell, të cilën e mposhti për të arritur në TOP-4 të kategorisë së saj deri në 63 kilogramë.

Aty kishte duel tepër të mirë ndaj australianes Katharina Haecker, të cilën e kaloi shpejt me ippon, për të siguruar finalen e garës.

Laura Fazliu fitoi 700 pikë olimpike në këtë garë.