EJU — SARAJEVO 2022
Laura Fazliu, kampione e Evropës
28 October, 2022 @19:22
Xhudistja kosovare Laura Fazliu është kampionja më e re e Evropës në xhudo! Ajo triumfoi në kategorinë deri në 63 kilogramë sot në Sarajevë, duke fituar medaljen e artë në Kampionatin Evropian U23.
Laura në finale mposhti xhudisten gjermane Annabelle Winzig. Annabelle avancoi me wazaari mirëpo, kah fundi Laura u rikthye fuqishëm për të barazuar me wazaari dhe në fund me ippon të përfundojë dilemën e fitueses.
Pos Laurës sot garuan edhe Erza Muninoviq, që u ndalë në cerekfinale, ndërsa Dardan Cena u mposhtë në fillim të garës.
Nesër në program hynë për garë edhe Shpat Zekaj e Rios Kuka.
