Përcaktohen të kualifikuarit e parë

Pas ndeshjeve që u zhvilluan dje (16 janar), ditë e cila u mbyll me fitoren e favoritëve, disa skuadra tashmë e kanë siguruar kualifikimin përtej grupeve.

Ndeshja më interesante e ditës së djeshme ishte ajo mes Sllovenisë e Maqedonisë, ku në fund fituese doli skuadra sllovene, me përfaqësuesen maqedonase që nuk e arriti dot përmbysjen përkundër paraqitjes fenomenale të yllit Kiril Lazarov në pjesën e dytë.

Nga Grupi A në fazën tjetër kanë kaluar Franca, Rusia e Brazili pas fitoreve në ndeshjet përkatëse, ndërsa nga Grupi B janë kualifikuar Spanja dhe Sllovenia, të cilave shpejt pritet t’iu bashkangjitet edhe përfaqësuesja e Maqedonisë.

Sa i përket Grupeve C e D, vetëm nga një skuadër nga këto grupe e ka siguruar kualifikimin, Kroacia nga Grupi C dhe Danimarka nga Grupi D.

Nëse flasim rreth statistikave individuale, duhet përmendur që golashënuesi më i mirë i kampionatit deri më tani është maqedonasi Kiril Lazarov me 31 gola të shënuara.

Rezultatet e ditës së djeshme (16 janar):

Në takimet që luhen sot (17 janar), pritet të përcaktohen edhe skuadra të tjera që kalojnë fazën grupore, kurse të gjitha ndeshjet e fazës grupore dhe kompletimi i skuadrave që kalojnë tutje do të kompletohen përfundimisht ditën e premte (20 janar.

Orari i ndeshjeve të sotme (17 janar):