Donjeta Sadiku e bronztë! Medalja e parë për Kosovën

Boksierja e Kosovës, Donjeta Sadiku, do të merr medaljen e bronztë të Evropës në konkurrencën e seniorëve. Në Kampionatin Evropian që po mbahet në Budvë të Malit të Zi, boksierja Sadiku ka arritur gjysmëfinalen e garës me ç‘rast edhe ka siguruar të bronztën.

Ajo në gjysmëfinale u mposhtë nga irlandezja Kellie Harrington, por gjithsesi do të stoliset me medalje, që është e para në evropianë për seniorë në histori të Federatës së Boksit të Kosovës.

Donjeta garon në kategorinë nën 60 kilogramë.

Donjeta përndryshe pësoi nga kampionja olimpike në Tokio 2020, ndërsa me luftën e treguar në gjysmëfinale tregoi se është ndër më të mirat në Evropë në kategorinë e saj.

E Federata e Boksit e Kosovës ka shkruar se kjo medalje ka vleftën e arit pasi që është medalje historike pas 39 vitesh në konkurrencën e senioreve në boks.