FIFA ndalon helmetën e re të Rosbergut

Ylli gjerman i Formula 1, Nico Rosberg, që aktualisht udhëheq në renditjen e garuesve të kampionatit të garës më të shpejtë në botë - ka marrë ndalesë nga FIFA për mbajtjen e helmetës së tij të re. 

Rosberg 29 vjeç kishte dashur që të festojë titullin e Kupës së Botës së fituar nga Gjermania në futboll, me një helmetë të ridizajnuar ku në maje të saj shihej Kupa e Botës. 

Duke e konsideruar si thyerje e rregullave të ‘pronësisë intelektuale’ FIFA ka ndaluar gjermanin që të ngasë në garën e radhës në Hockenheim me këtë helmetë dhe kështu Rosberg ka kërkuar një dizajn tjetër, ku shihen katër yjet dhe flamuri gjerman - derisa Kupa e Botës është hequr nga helmeta.