Hendbollistet e Kastriotit fitojnë Kupën e Kosovës

Vashat e ekipit të Kastriotit janë treguar më të forta sot sesa ato të Prishtinës, duke fituar trofeun e Kupës së Kosovës në hendboll. 

Prishtina kishte përfunduar pjesën e parë të finales me avantazh minimal 16-15, mirëpo Kastrioti u rikthye në pjesë të dytë për të fituar ndeshjen 30-29. 

Rastin e fundit në ndeshje, për të barazuar rezultatin e kishte Prishtina, por shuti i Florinda Ramës mbrohet nga portierja ferizajase, Edona Rugova, duke ia sjellë trofeun e Kupës Ferizajit.