Juve, ultimatum Drogbës

Sipas të përditshmes Corriere dello Sport, Juventusi i ka bërë ofertën e fundit sulmuesit të Bregut të Fildishtë, Didier Drogba, që luan për ekipin kinez, Shanghai Shenhua. 

Orët vendimtare për ish sulmuesin e Chelseat dhe kampionin europian, Drogba, kanë filluar. 

“Oferta është 3 milionë euro për gjashtë muaj. Prano ose jo?” ka shkruar në ballinën e saj sot e përditshmja Corriere dello Sport, duke cituar klubin bardhezi nga Torino dhe ofertën e tyre drejt sulmuesit afrikan.

Juventus që nga vera kërkon një sulmues me emër dhe me përvojë në klub, mirëpo ende nuk ka arritur të sigurojë shërbimet e asnjërit nga të kërkuarit.