Dzeko synim i Interit

Edin Dzeko mund të jetë i Interit, mirëpo vetëm nëse klubi kaltër-e-zi nga Milano do të arrijë të kualifikohet për Ligën e Kampionëve stinorin e ardhshëm.

Kështu ka raportuar sot portali Football Italia, e cila bazohet në mediat italiane. Boshnjaku 26 vjeçar shikohet si zëvendësim ideal dhe afatgjatë për argjentinasin Diego Milito që do t’i mbush 34 vjet në qershor.

Ish sulmuesi i Wolfsburgut pritet t’i kushtojë Interit rreth 30 milionë euro, ndërsa vetë lojtari do të kërkojë minimum të pagës prej 6 milionë euro, që do ta bënte atë lojtarin më të paguar në klub.

Interi aktualisht gjendet në pozitën e pestë të Serie A-së dhe është larg vetëm dy pikë vendit që dërgon në Ligën e Kampionëve.