United, ofertë për Lampardin!

Njoftimi i fundit nga e përditshmja angleze The Sun, thotë se mesfushori legjendar i Chelseat, Frank Lampard, është gati të kalojë te rivalët nga Old Traffordi. 

Oferta shokante vjen nga kryetrajneri Sir Alex Ferguson, i cili beson se Lampard ende mund të kryejë punë me përvojën që ka. 

Ferguson është adhurues i 34 vjeçarit dhe ate e ka kërkuar qysh në kohën kur ka luajtur për West Ham, 15 vite më parë. 

Sipas kësaj të përditshmeje, Manchesteri do ta ketë vështirë që ta merr Lampardin gjatë këtij muaji, mirëpo besohet se puna do të përfundojë në verë, nëse gjithçka shkon në rregull. Manchester United ia ka bërë gati kontratën mesfushorit të Chelseat dhe kjo kontratë tashmë i është dorëzuar agjentëve të Lampardit.