Messi më i miri

Çmimi Ballon d’Or 2012, apo Topi i Artë edhe njëherë nuk e ka ndryshuar pronarin. Futbollisti i Barcelonës, Lionel Messi, është futbollisti më i mirë vitit 2012, duke e fituar për herë të katërt rresht këtë çmim.

Tani Messi është futbollisti i vetëm në histori që është shpallur katër herë futbollisti më i mirë i vitit. Një shkallë më poshtë se argjentinasi gjenden Marco Van Basten, Michel Platini dhe Johan Cruyff, të cilët e kanë fituar Topin e Artë nga tre herë.

Messi në konkurrencën e më të mirit të vitit, e mposhti bashkëlojtarin e tij te Barcelona, Andres Iniesta, dhe kundërshtarin nga Real Madridi, Cristiano Ronaldo.