Kampioni befason! Pensionohet

Njeriu që pas 25 viteve karrierë mbi katër rrota këtë vit fitoi titullin e kampionit të botës në Formula 1, Nico Rosberg, ka bërë të ditur se po pensionohet nga ky sport.

Njoftimi i tij ka ardhë befasishëm sot, pasi që një gjë e tillë nuk pritej nga gjermani 32 vjeçar që pas luftërave të shumta me kolegun e skuadrës Lewis Hamilton, ka arritur të stoliset me atë që e ka pasur ëndërr jetësore.

“Tash e tutje, jam këtu për t’u kënaqur me momentet e reja që do t’mi falë jeta. Do të hap kaptinën e re në jetë për të parë se çka më ka përgatitur tash e tutje…” - ka shkruar ndër të tjera Rosberg në letrën përshëndetëse të tij të postuar në Facebook sot.