KASTRIOTI-SAMADREXHA
Kastrioti fiton duelin e fundit të javës
4 October, 2017 @8:28
Ndeshja e fundit e javës së tretë të Superligës së Kosovës në hendboll (meshkujt) i ka takuar Kastriotit të Ferizajt. Kastrioti të martën mbrëma në palestrën “Bill Clinton” në Ferizaj e mposhti Samadrexhën me rezultatin 35:28.
Pjesa e parë përfundoi me shifrat 19:9 për vendasit. Për skuadrën ferizajase kjo ishte fitorja e dytë rresht. Në xhiron e kaluar e mposhti Dritën në Gjilan me rezultatin 30:25. Në javën e parë pësoi nga Besa FamGas në Pejë me shifrat 36:21.
Samadrexha mbetet me pikën e fitur në xhiron e parë, kur barazoi 28:28 me Vushtrrinë. Në xhiron e dytë Samadrexha humbi nga Besa Famgas me rezultatin 40:14.
Shabani me tetë gola e udhëheqi Kastriotin drejt fitores. Gjashtë gola i pati Rudari, ndërsa nga pesë Haxhimusa e Bega. Te mysafirët më efikasi ishte Jashari me nëntë gola, ndërsa Sadiku i pati gjashtë.
Në xhiron e katërt Kastrioti është mysafir i Zhegrës, ndërsa Samadrexha i shkon Dritës. Ndeshjet e javës së katërt luhen në fundjavë.
Game Info:
| Kastrioti – Samadrexha | 35:28 (19:9) | ||
| Kastrioti: | M. Mehmeti, D. Dugolli, B. Rexhepi 3, A. Rudari 6, A. Dugolli 1, F. Mustafa 2, M. Selmani 1, D. Haxhimusa 5, H. Salihu 2, D. Bega 5, D. Ramadani 1, L. Shabani 8, E. Hoxha 1 |
||
| Samadrexha: | D. Basholli, V. Bunjaku, L. Sadiku 6, I. Shala 1, F. Maloku 3, M. Jashari 9, A. Basholli 1, D. Basholli 2, B. Maloku 1, A. Maloku 5 | ||
| Superliga, Xhiro III |
Llapi - Drita 29-39 Prishtina - Trepça 30-24 Vushtrria - Vëllaznimi 28-34 Besa Famgas - Zhegra 48-31 Kastrioti - Samadrexha 35-28 |
||
| TABELA, Xhiro III | 1. Besa 6 pikë, 2. Prishtina 6p., 3. Drita 4p., 4. Vëllaznimi 4p., etj. |
