Kosova me 4 pilotë në Botërorin e Paragllajdizmit

Kosova arriti me sukses të kualifikohet dhe do të përfaqësohet me 4 pilotë në Kampionatin Botëror të Paragllajdizmit, diciplina Precizion. Numri i aplikimeve në garë kishte kaluar mbi 220 aplikime, keshtu që më se 70 pilotë nuk arritën të kualifikohen për garë.

Ndryshe, kjo garë e cila organizohet nga Federata Aeronautike Shqiptare, do të mbahet në Vlorë, Shqipëri dhe në të do garojnë 150 pilotë nga 28 shtete të ndryshme, kjo gjithashtu është gara më e rëndësishme e këtij viti në këtë diciplinë.

Kosovën në këtë garë do ta përfaqësojnë pilotët në vijim:

- Hizdri Gubetini
- Petrit Mustafa
- Gëzim Statovci
- Eduard Daci

Ekipi i Kosovës për lider të ekipit do të ketë Z. Avni Kuçi, pilot dhe nënkryetar në Federatën Aeronautike të Kosovës.

Në këtë garë botërore (FAI CLASS 1) do të jenë prezent edhe 2 referët Kosovar të çertifikuar ndërkombëtarisht, Alban Kurtishi dhe Xhelal Leskovci, të cilët do të ndajnë drejtësi në këtë garë.