Kosova merr pikën historike në hendboll

Përfaqësuesja e Kosovës ka fituar pikën e parë në gara ndërkombëtare si reprezentacion prej se u pranua plotësisht në EHF e IHF.

Përfaqësuesja që po drejtohet nga Taip Ramadani ka barazuar sot me Turqinë 24-24 (11-12), ku Valon Dedaj ka shënuar penalltinë në sekondën e fundit të ndeshjes për të siguruar pikën e parë dhe historike të Kosovës.

Turqia ditë më parë fitoi ndeshjen e parë ndaj Kosovës, 26-22. Kjo qe ndeshja e dytë e grupit. Përballjet e radhës Kosova i zhvillon ndaj Estonisë, në janar të vitit të ardhshëm.

Vetëm fituesi i grupit shkon tutje në kualifikime për Europianin 2020.

#Kosovo scores equalizer in last second against #Turkey pic.twitter.com/RyiPd7PaKN

— Stefan in Kosovo (@StefanInKosovo) November 6, 2016