Lëvdon Vettelin

Ngasësi i Mercedesit në Formula 1, Lewis Hamilton, i është adresuar afro 2 milionë përcjellësve të tij në rrjetin social Twitter duke thënë se Sebastian Vettel është kampion i vërtetë. 

“Seb është kampion! Jo vetëm kaq, ai është edhe njeri i mirë, me sens për shaka dhe modest. I meriton të gjitha sukseset që po i përjeton,” ka shkruar britaniku Hamilton në llogarinë e tij. 

“Adhuroj dedikimin dhe aftësinë e tij që të performojë gjithmonë pa gabime. Kjo është shenjë e një kampioni të vërtetë,” ka shtuar kampioni i vitit 2008 në Formula 1, Hamilton. 

Që nga viti 2009 e deri më sot, titulli i kampionit botëror në Formula 1 i ka takuar gjithmonë gjermanit Vettel. 

Ai është shumë afër të fitojë titullin e katërt me radhë në Formula 1, pasi që ka 77 pikë më shumë se përcjellësi i parë Fernando Alonso, pesë gara pa përfunduar stinori 2013 në garën e shpejtësisë së madhe.