Mercedes shkëlqen në Spanjë

Ndoshta nuk u dukën të mirë gjatë stërvitjeve në mesjavë, por sot bolidi i Mercedesit ka shkëlqyer gjatë garës për pole-position. 

Kështu, dyshja e Mercedesit, Nico Rosberg dhe Lewis Hamilton kanë arritur që të dalin të parët në renditje për garën e nesërme. Kjo është hera e parë që prej garës në Kinë në vitin e kaluar dy bolidë të Mercedesit arrijnë dy vendet e para në renditje para garës. 

Kampioni aktual i Formula 1, Sebastian Vettel, arriti i treti derisa Kimi Raikkonen me Lotus dhe Fernando Alonso me Ferrari arritën pas tij. 

Felipe Massa përkundër nisjes së mirë arriti kohën e gjashtë më të mirë, i përcjellur nga Romain Grosjean, Mark Webber, Sergio Perez dhe Paul di Resta - që kompletojnë dhjetëshen e parë në pole-position.