Përfundon afati kalimtar në hendboll

Ka përfunduar afati kalimtar në hendboll, që mund të thuhet se nuk ishte edhe aq i begatshëm sikur jemi mësuar ta shohim.

Skuadra e Prishtinës, e cila është njëra prej kandidateve për titull, së bashku me Kosovën e Vushtrrisë janë dy skuadrat me më së shumti kërkesa të paraqitura për regjistrim.

Prishtina ka paraqitur hendbollistët Kushtrim Kastrati, Alban Dobroshi dhe Vladimir Stankovic, që të tre nga konkurentja e drejtpërdrejtë për titull, Besa Famiglia, derisa Kosovës së Vushtrrisë i janë bashkuar treshja nga Samadrexha, Egzon Ademi, Alban Bunjaku dhe Arben Karaqa.

Kampionja vjeshtore, Besa Famiglia, ka paraqitur për regjistrim vetëm hendbollistin e Prishtinës, Egzon Gjuka.

Në konkurrencën e femrave më e përforcuara është skuadra e Dritës, me 6 hendbolliste, ndërsa Kosova e Vushtrrisë është bindshëm më e dobësuara pasi nga kjo skuadër janë larguar 8 hendbolliste.

Sipas Rregullores së FHK-së për regjistrim të lojtarëve, klubet dhe lojtarët kanë 5 ditë afat për t’i kompletuar aplikacionet për t’u marr më pas vendimi definitiv nga Komisioni.

Kërkesat për regjistrim të hendbollistëve

Kërkesat për regjistrim të hendbollisteve