Përmbysje e madhe, Drita fiton Kupën e Kosovës

Drita ka triumfuar në finalen e Kupës së Kosovës, për ta fituar trofeun prestigjioz në volejbollin kosovar, duke e mposhtur Fer Volley në finale.

Ishte një rikthim sensacional nga ekipi i Lorik Ilazit, i cili arriti të përmbysë rezultatin nga 2-0 në 3-2 (24-26, 21-25, 25-13, 25-17, 15-13) në sete, për të fituar trofeun e parë këtë sezon.

Drita kishte mposhtur Skenderajin në gjysmëfinale të Final Fourit 3-0 në sete, ndërsa Fer Volley kishte kaluar pa telashe gjithashtu ndaj M Technologie Prishtina, 3-0.