XHUDO
Qyteti i Pejës bëhet me Qendër Nacionale të Xhudos
28 December, 2016 @19:53
Sporti i xhudos, në veçanti qyteti i Pejës, ka marrë një lajm shumë të rëndësishëm sot.
Peja po vazhdon të formohet si “kryeqytet i xhudos” jo vetëm në Kosovë, por edhe më gjërë, pasi sot është arritur marrëveshja për ndërtimin e Qendrës Nacionale të Xhudos në këtë qytet.
Njoftimin për këtë e ka bërë trajneri më i suksesshëm kosovar në këtë sport, Driton Kuka.
“Sot Asambleja Komunale e qytetit të Pejës si rezultat i marrëveshjes në mes Komunës, Ministrisë dhe Federatës, votoi për ndarjen e Parcelës për Qendrën Nacionale të Xhudos.
Parcela është ndarë nga institucionet komunale të qytetit, ndërsa ndërtimi do të bëhet nga Ministria,” thuhet në njoftimin e tij.
