Rikthimi i Krasniqit te Ferronikeli

Vetëm disa ditë pas dorëheqjes së Arbnor Morinës nga posti i trajnerit të Ferronikelit, vendin e tij e ka zënë ish trajneri i kësaj skuadre, Ramiz Krasniqi. 

Krasniqi i cili ka qenë fantastik stinorin e kaluar me Ferronikelin, i ndau rrugët me këtë ekip pas një mosmarrëveshjeje lidhur me pagat e futbollistëve në fund të edicionit të kaluar. 

Ndërsa sot, ai përsëri ka marrë drejtimin e skuadrës drenicake, të cilët nuk kanë kaluar ditë të mira në nëntë xhirot e para të Superligës. 

Ferronikeli nën udhëheqjen e Arbnor Morinës ka arritur të tubojë vetëm tetë pikë nga nëntë ndeshje, me bilanc: 2 fitore, 2 barazime dhe 5 humbje.