Me shqiponjë të vërtetë ndaj Zvicrës

Dyshja shqiptare e Lazios bëhet gati që të sjellë shqiponjën e vërtetë në ndeshjen Shqipëri-Zvicër të premten mbrëma në Qemal Stafa. 

Drejtori sportiv i Lazios dhe mbrojtësi i saj, Igli Tare, respektivisht Lorik Cana planifikojnë që të sjellin shqiponjën e cila do të fluturojë e trajnuar nga një ndërtesë përreth stadiumit Qemal Stafa në mes të fushës në spektaklin para ndeshjes Shqipëri-Zvicër, e vlefshme për kualifikim në Kampionatin Botëror, Brazili 2014, shkruan sot Koha Ditore. 

Ideja i ka rënë ndërmend Tares, i cili më parë kishte bërë një gjë të tillë për klubin ku punon, Lazio, pasi që edhe ky klub ka shenjë mbrojtëse këtë shpend. E pasi që Shqipëria është vendi i shqiponjave me insistimin e Canës, dyshja ka vendosur që të paguajë spanjollin Juan Barbera, që zakonisht këtë punë e bënë te Benfica e Lisbonës, që gjithashtu ka shenjë mbrojtëse shqiponjën. 

Video

Juan Barnabe me shqiponjën e tij në stadiumin Luz të Benficës.

Diçka e tillë pritet në Qemal Stafa të premten nëse gjithçka shkon në rregull;