Si përfundon Shqipëria e dyta?

Përkundër nismës së mirë të kualifikimeve për Brazil, Shqipëria si çdoherë atëherë kur është më e nevojshme nuk arriti rezultatet e duhura dhe ra në pozitën e pestë të tabelës. 

Mirëpo, ajo që trimëron dhe jep shpresa kësaj radhe është puna e teknikut italian Gianni De Biasi, i cili ka mbledhur një mori lojtarësh në përfaqësuese dhe tani më mund të thuhet se përveç Migjen Bashës, asnjëri nuk e ka të sigurtë fanellën e formacionit startues të kombëtares. 

Sidoqoftë, përkundër se Brazili u largua nga dukshmërisa shqipe, llogaritë matematikore për vendin e dytë janë ende reale. 

• LLOGARIA

Kështu në ndeshjet e mbetura të Grupit E të Eurozonës, në rast se Shqipëria dy ndeshjet e mbetura i fiton, i merr 6 pikë ndaj Zvicrës dhe Qipros, që në total do të thoshte 16 pikë në Grupin E. 

Por për të përfunduar e dyta, varet nga rezultatet e kundërshtarëve, që si ideale për Shqipërinë do të duhej të ishin kështu: 

Islanda-Qipro (barazim ose fitore e Qipros); Sllovenia-Norvegjia (fitore sllovene); Norvegjia-Islanda (fitore norvegjeze) dhe Zvicra-Sllovenia (fitore zvicerane) 

Ka edhe disa mënyra të llogaritjes më të komplikuar, por kjo është më e lehta dhe më reale, përveç ndeshjes së parë ku Qiproja duhet të bëj të pamundurën ndaj Islandës për të mos e lënë të fitojë, te të tjerat fitoret e vendasve që nuk do të ishte befasi - e lënë Shqipërinë në vendin e dytë. 

Kështu Grupi E do të përfundonte me këtë renditje: Zvicra 21 pikë, Shqipëria, 16 pikë, Sllovenia 15 pikë, Islanda 14 pikë, Norvegjia 14 pikë dhe Qiproja 5 pikë. 

EUROZONA, Grupi E, Tabela aktuale: