Ramsey dhe Wenger, më të mirët e shtatorit

Mesfushori i Arsenalit që shpërtheu këtë stinor Aaron Ramsey është zgjedhur lojtari më i mirë i muajit shtator në Premier League të Anglisë. 

Ai në konkurrencë ka pasur futbollistë si Daniel Sturridge (sulmues, Liverpool), pastaj Olivier Giroud (sulmues, Arsenal), Gylfi Sigurdsson (mesfushor, Tottenham) dhe Artur Boruc (portier, Southampton). 

Mirëpo, Ramsey i ka kaluar të gjithë këta me vota duke e fituar çmimin e më të mirit të muajit shtator në Premier League. 

Trajneri më i mirë i muajit gjithashtu i ka shkuar Arsenalit, ku Arsene Wenger ka bërë lider ekipin nga Londra për të marrë këtë çmim. Wenger në konkurrencë ka pasur Roberto Martinez (Everton), Mauricio Pochettino (Southampton) dhe Steve Bruce (Hull City). Kjo është hera e 13-të në karrierë që Wenger e merr trofeun e trajnerit të muajit në Premier League. 

Muajin e kaluar këta trofe i kishin takuar dyshes së Liverpoolit, Daniel Sturridge dhe trajnerit Brendan Rodgers.