Prej Juventusit në Tottenham

“Kam dëgjuar në Angli që ka pasur kontakte në mes Pirlos dhe Tottenhamit për stinorin e ardhshëm,” ka thënë Vialli duke komentuar pas ndeshjes derbi Juventus-Milan mbrëmë për Sky Sport Italia. 

Ish kapiteni i Juventusit, Vialli, ka thënë se Juventus duhet të reagojë shumë më shpejtë pasi që Pirlo kërkon siguri para se të nënshkruaj pasi që dëshiron të luaj ende futboll. 

“Sigurisht që do të luaj futboll ende, por do të shohim se ku. Juve është prioritet, mirëpo nuk dua të rëndojë askë me prezencën time nëse nuk i duhem dhe vetëm pse kam emrin Pirlo,” kishte thënë Pirlo, mesfushori prej më të mirëve në botë për La Gazzetta dello Sport, gjatë muajit gusht. 

Pirlo 34 vjeç, ka qenë arsyeja kryesore pse Juventus mbrëmë mposhti Milanin në derbin e madh italian 3-2 në Juventus Arena dhe vazhdoi serinë e pamposhtshmërisë në Serie A.