SPANJA
REUTERS
Michu në kombëtare
7 October, 2013 @10:35
Asnjëherë nuk është vonë nëse punon. Këtë e ka dëshmuar së fundi sulmuesi spanjoll i Swanseat, Michu, që emrin e plotë e ka Miguel Perez Cuesta.
Sulmuesi 27 vjeçar i Swanseat, që erdhi aty në stinorin e kaluar nga Rayo Vallecano, si një futbollist i panjohur me shkëlqimin në Angli nxorri ftesën për kombëtaren kampione botërore dhe europiane - Spanjën.
Përzgjedhësi spanjoll, Del Bosque, i ka dhënë përparësi Michus përkundër emrave me përvojë si Roberto Soldado dhe Fernando Llorente.
Michu do të ketë rastin të debutojë për kombëtaren spanjoll të premten ndaj Bellorusisë, ose katër ditë më vonë ndaj Gjeorgjisë.
FAKTE:
| Michu ka shënuar 22 gola në të gjitha garat për Swansean stinorin e kaluar 2012/13; | |||
| Deri në vitin 2011, Michu ka qenë futbollist i Celta Vigos, ku ka shënuar 14 gola në tre stinorë të fundit në Segunda Division; | |||
| Në stinorin 2011/12 Michu ka shënuar 15 gola për Rayo Vallecanon në La Liga, që zgjoi interesimin e trajnerit të Swansea, Michael Laudrup; |
