Me 10 lojtarë mposhtin Marseille-in

Paris St Germain tregoi se pse është kampion dhe atë në derbin e madh françez ndaj Olympique Marseille-it. 

Edhe pse me dhjetë veta në fushë parisienët kanë arritur të rikthejnë rezultatin për të fituar ndeshjen në fund. 

Vendasit e Marseille-së kaluan në epërsi me golin e shënuar nga penalltia të Andre Ayewit, kur Thiago Motta fauloi Matthieu Valbuenan në zonë për t’u ndëshkuar me karton të kuq nga gjyqtari i ndeshjes. 

Në anën tjetër Paris St Germain nuk u dorëzua duke arritur barazimin pa përfunduar pjesa e parë nëpërmjet mbrojtësit të krahut, Maxwell. E në pjesën e dytë me anë të penalltisë së shënuar nga Zlatan Ibrahimovic, nxorrën edhe fitoren e madhe në derbin klasik të Francës të zhvilluar në Velodrome të Marseille-së.