EDONI SHKËLQEN
Edon Zhegrova shkëlqen, sjell fitoren e Lille
2 April, 2023 @15:32
Sulmuesi i Kosovës, Edon Zhegrova, ka shkëlqyer sot në pak minuta, për të treguar cilësitë e tij dhe për t’ia sjellë fitoren e pastër skuadrës së tij, Lille.
Rezultati ishte 1-1, pasi që Lille kishte avansuar heret në ndeshje, ndërsa ishte befasuar me barazimin e vonshëm të Lorientit! Trajneri portugez i ekipit, Tiago Leal vendosi të largojë sulmuesin Tim Weah për ta futur Zhegrovën në minutën e 82 të ndeshjes.
E pas kësaj, futbollisti i Kosovës foli i vetëm - për të vendosur ndeshjen me dy gola në stilin e tij për triumfin përfundimtar dhe festën e madhe në Pierre-Mauroy, Lille 3-1 Lorient [Remy Cabella 13, Edon Zhegrova 89, 90+1 - Ibrahima Kone 77].
