CHELSEA
REUTERS
Zëvendësuesit sjellin fitoren
6 October, 2013 @16:35
Skuadra londineze Chelsea kishte marrë epërsinë heret në ndeshje ndaj Norwich Cityt si mysafir me anë të golit të mesfushorit ofanziv brazilian, Oscar, që shënoi në minutën e katërt të ndeshjes.
Kjo sikur i dha një rehati ekipit të Jose Mourinhos që përkundër disa rasteve nuk tentonte me ngulm për të siguruar fitoren.
E në pjesën e dytë, Anthony Pilkington i Norwichit shënoi për të barazuar dhe për të gëzuar tifozët vendas në Carrow Road.
Mourinho, u tregua përsëri strateg me potezat e tërhequr. Futja e Eden Hazardit në minutën e 75-të në vend të Ashley Cole dhe ëillianit në vend të Juan Matas në minutën e 81-të ka qenë fatale për vendasit.
Dyshja zëvendësuese ka shënuar brenda dy minutave, 85’ dhe 86’, për të regjistruar fitoren që e mban Chelsean te ekipet e kreut të tabelës.
FAKT:
| Willian sot ka regjistruar golin e parë të tij në Premier League me Chelsean prej se u transferua në fillim të stinorit. |
