Cassano shkëlqen ende

Njeriu i cili kaloi nga Bari në Roma, e pastaj Real Madrid, Sampdoria, Milan e Inter, Antonio Cassano ka shkëlqyer sot për ekipin e tij të ri, Parma. 

Sulmuesi me përvojë të madhe, ka regjistruar dy asistime dhe një gol në fitoren e ekipit të tij ndaj Sassuolos në Serie A. 

Ky ka qenë goli i parë i Cassanos për Parmën prej se erdhi nga Interi në Ennio Tardini këtë stinor. Në përgjithësi, kjo ka qenë fitorja e dytë e Parmës në shtatë xhirot e para të Serie A-së, derisa Sassuolo mbetet ende pa fitore dhe me vetëm dy pikë të tubuara në fund të tabelës.