PLATINI
REUTERS
Brazili e Argjentina në EURO 2020!
6 October, 2013 @13:28
Brazili, Argjentina, Meksikoja dhe Japonia mund të jenë pjesëmarrëse në Kampionatin Europian të vitit 2020!
Gara që me kërkesë të Michel Platinisë do të ngritet nga 16 në 24 përfaqësuese që nga viti 2016, beson se do të bëhet rivale e denjë e Kampionatit Botëror me përfaqësueset nga kontinentet tjera.
UEFA-ja gjithashtu beson fuqishëm në këtë.
E përditshmja angleze, The Independent, ka raportuar në numrin e djeshëm të saj se zyrtarë të lartë të UEFA-së, me Platininë në krye thonë se: “kur Copa America ka pasur mysafirë si Meksikoja dhe Japonia pse mos të kemi ne?!”
Copa America, që është Kampionati i shteteve jugamerikane, nga viti 1993 fton përfaqësuese mysafire në garë. Për më tepër, Meksikoja dhe Japonia janë ftuar për të marrë pjesë edhe në Copa America 2015 që mbahet në Kil.
