Ribery shkëlqen, Bayern barazon për lidership

Bayern ka shkëlqyer me lojë gjatë gjithë ndeshjes si mysafir i Bayer Leverkusenit. Por ja që goli nuk erdhi më shumë se njëherë dhe nuk arritën të marrin trepikëshin e radhës në Bundesligë. 

Franck Ribery ka shkëlqyer gjatë gjithë ndeshjes, ka krijuar raste e raste për bashkëlojtarët që nuk arrinin të shënonin. Rast ideal përveç tjerash ka humbur edhe Xherdan Shaqiri kur tentoi këndin e portës së Bernd Lenos. 

Në fund, durimi i ‘aspirinëve’ të Leverkusenit u shpagua dhe ndeshja përfundoi me barazim, 1-1. Në 20 minutat e fundit Pep Guardiola futi në lojë edhe Arjen Robben, Mario Mandzukic e Mario Gotze, por përveç rasteve të humbura dhe pritjeve të Lenos - asgjë nuk kishte tjetër. 

Sidoqoftë Bayern përsëri bëhet lider i Bundesligës pas humbjes së Dortmundit sot në duelin e Borussiave.